BIBLIOMARAÑA CURSO 2020-21

Este curso 2020-21 o lema de Bibliotecas EscolaresXEOGRAFÍAS LECTORAS NA BIBLIOTECA ESCOLAR.  

Con este se quere  poñer o foco nas posibilidades que ofrece a biblioteca escolar para a construción da persoa lectora a través das distintas actividades que programa e dos recursos que pon a disposición da comunidade educativa. 

 COMEZAMOS NOVO CURSO CON MOITOS RETOS E INCERTIDUME,

 PERO CON MOITAS GAÑAS E ILUSIÓN.

Cada libro que o alumnado ten a oportunidade de ler é unha ocasión para ampliar a súa imaxinación e aumentar os seus coñecementos, de aí a importancia da selección de lecturas que se pon ao seu alcance. A ilustradora encargada este ano de interpretar o lema elixido foi Bea Lema, quen nos ofrece unha imaxe evocadora deses mundos imaxinarios que a lectura pode axudar a visitar e construír.

Como nos recorda a Asesoría de Bibliotecas, nestes tempos confusos como os que estamos a vivir cómpre volver ás orixes, ao fundamental: a lectura e toda a súa potencialidade, sen esquecer outras oportunidades da biblioteca escolar para unha formación integral do alumnado.