FELICES VACACIÓNS DE NADAL

25 N: BIBLIOMARAÑA EN PE POLA IGUALDADE

 

 25 N: CONTOS POLA IGUALDADE

BIBLIOMARAÑA quixo participar na celebración desta data.

A mellor maneira de facelo é a través da lectura dos contos que nos propón a nosa mascota. A continuación pódese escoitar, un dos contos que preparamos en favor da IGUALDADE.

SAMAIN

A NOSA MASCOTA, AXUDOUNOS A BOTAR OS MEDOS FÓRA.

AQUÍ TEDES O NOSO MONSTRO COMEMEDOS INTERACTIVO ( Unha creación da nosa artista do cole. Grazas Manu )

DÍA DAS BIBLIOTECAS E SAMÁIN

 A semana pasada celebramos na nosa escola, o Día das Bibliotecas, desfrutando de novo do noso espazo. 

Por cursos, o alumnado puido desfrutar duns contos preparados polos encargad@s da biblioteca e, de novo, participamos dunha xornada de Biblioteca Creativa.

Ademais, as MOCHILAS VIAXEIRAS, volveron a saír rumbo ás casas para desfrutar da LECTURA EN FAMILIA

DÍA DAS ESCRITORAS

 

O Día das Escritoras é unha iniciativa promovida pola Biblioteca Nacional de España en colaboración coa  Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.

O pasado 18 de outubro, desde BiblioMaraña, fixemos a unha homenaxe ás nosas escritoras galegas.

O alumnado de primaria participou na lectura de pequenos fragmentos de obras de escritoras galegas no noso ESPAZO FALADOIRO .

O alumnado de 5º e 6º fixeron un programa de Radio. A continuación, podes escoitalo:

BIBLIOMARAÑA CURSO 2021-2022

 COMEZAMOS UN NOVO CURSO

CON GANAS E ILUSIÓN

Tal como nos sinala este curso o lema de Bibliotecas Escolares, A BIBLIOTECA ESCOLAR TEN A PALABRA, co obxectivo de visualizar a importancia da linguaxe, como ferramenta que abre camiños de pensamento, de imaxinación, de aprendizaxe, de comunicación, ...

Un dos retos da escola do século XXI é formar ó alumnado coa capacidade de poder expresarse con todos os recursos que están ó seu alcance.

BIBLIOTECA CREATIVA: O RETO DOS INSTRUMENTOS MUSICAIS

 Proxecto realizado polo alumnado de 5º e 6º de primaria. Por parellas, escolleron unha familia de instrumentos. Bucaron ou gravaron o seu son, e co programa Scratch fixeron unha sinxela programación para que ó premer no instrumento desexado, se poida escoitar como soa.

Este reto foi consegiodo xa que foron capaces de conectar cada instrumento coa placa Makey-Makey e enlazar esta ó ordenador, para que reciba as instruccións que previamente programaron. 

Aquí tedes o resultado:

OBRADOIRO CON CHARO PITA

O pasado 26 de abril tivemos a visita  de Charo Pita na nosa biblioteca, BiblioMaraña.

Ó longo da mañá o alumnado participou nun obradoiro de Teatro leido e Xeografías Máxicas, onde coñeceron diferentes lendas e se divertiron a través da lectura.

Pola tarde, os pequenos de primaria e o alumnado de Infantil, desfrutaron dun tempo de Contacontos.

PARTICIPACIÓN EN CONCURSOS DE RADIO

 

A emisora de RADIOMARAÑA e o alumnado do 

CEIP_P. Vilar de Barrio están a elaborar diferentes podcast e programas.

Durante o mes de abril o noso alumnado participou en diferente concursos escolares de Radio.

Os maiores do cole gravaron un podcast para participar no Concurso de Radio proposto pola Asesoría de Bibliotecas. 

Dentro da nosa Xanela Cultural, falamos sobre a Igualdade.

E o alumnado de 3º e 4º de primaria participan nun Concurso de Radio Nacional cun programa titulado Escribe+.

Non deixes de escoitalos!!

NOVO PROGRAMA DE RADIO

DÍA DO LIBRO E OS MAIORES DO CENTRO DE DÍA

Este DÍA DO LIBRO está a ser moi especial!!

Está mañá recibimos en Bibliomaraña unha sorpresa :

Os nosos maiores do Centro de Día de Vilar de Barrio enviáronnos un audioconto titulado Arrugas.

Non deixedes de escoitalo!!

Moitas grazas por colaborar con Bibliomaraña!!

23 DE ABRIL, DÍA DO LIBRO

 

Hoxe, 23 de abril de 2021 é un día moi especial para BIBLIOMARAÑA. É un acontecemento importante para a nosa escola, o Día do Libro.

Cos libros podemos viaxar a outros mundos e lugares, transportarnos ó pasado ou futuro e vivir outras vidas a través dos personaxes.

Nesta ocasión a Araña Maraña convocou @s alumnos do cole e ás súas familias para desfrutar un ratiño coa lectura en familia e gravar un audioconto. Moitas grazas pola participación, foi todo un éxito!

Cultivar o amor polos libros é o mellor agasallo que podemos facerlle ós nos@s pequen@s.

Parabéns a todas as familias! Aquí tedes o resultado.

14 E 21 DE MARZO: DESFRUTAMOS COS NÚMEROS E OS VERSOS

Dous días importantes para celebrar coa araña Maraña:

14 de Marzo: Día Internacional das Matemáticas

21 de Marzo: Día da Poesía

O 14 de marzo de 2019 foi aprobado pola UNESCO, a proposta da Unión Matemática Internacional, a celebración do Día Internacional das Matemáticas.

As matemáticas son unha ciencia que se encarga do estudo dos números, das formas e das construcións xeométricas, así como as súas propiedades e as súas relacións. As matemáticas están na nosa vida, nos nosos xogos,... e teñen a súa linguaxe, a cal comunica á humanidade con todo o que rodea o universo.

Esta data coincide co Día do Número Pi, onde tamén se celebra a existencia dunha constante matemática. A data escollida foi a representativa do número 3/14.

O alumnado de 3º e 4º de primaria estivo investigando sobre o Número Pi e aprendendo algunha curiosidade. Por exemplo, o número Pi é un  número que se obtén ó dividir a lonxitude dunha circunferencia entre o seu diámetro. Así o puxeron en práctica, aínda que os resultado non foron exactos.

A nosa mascota, a araña Maraña, nos anima a ler e desfrutar da lectura sobre o mundo matemático.

21 de Marzo: Día da Poesía

Este luns comezaremos a semana desfrutando coa poesía que nos recomenda a nosa mascota:

8 de MARZO, DÍA DA MULLER

 8 DE MARZO, DÍA INTERNACIONAL DA MULLER

Este día é unha data moi sinalada para poñer en valor a contribución da muller na nosa sociedade e para reflexionar sobre o longo camiño que moitas mulleres tiveron que percorrer para ver recoñecidos os seu dereitos e así, visibilizar a súa contribución nas facetas da vida, da cultura, da arte, da ciencia...

Desde a escola temos que seguir avanzando neste camiño, animando ó noso alumnado a desexar e perseguir un mundo mellor, no que homes e mulleres convivan nun auténtico estado de IGUALDADE.

Entre todo o alumnado da escola elaborouse este fermoso cartaz ponderando a figura da muller con grandes cualidades. O cartel tamén ten códigos QR a través dos cales podemos obter información sobre grandes mulleres que contribuíron a mellorar a nosa sociedade.

Unha das nosas mestras sorprendeunos  cun vídeo grabado por un grupo de antigos alumn@s do colexio de Vilar de Barrio, que animan ós nosos pequen@s a perseguir os seus soños independentemente do seu xénero e, a seguir loitando pola IGUALDADE  entre homes e mulleres.

Para poder visualizalo, pincha no seguinte enlace:

VÍDEO DÍA DA MULLER

Recordamos co noso alumnado quenes son as protagonistas dos diferentes recunchos de BIBLIOMARAÑA: 

ANTONIA FERNÁNDEZ GRANDE: Antiga mestra da nosa escola moi querida polos seus compañeir@s e polo seu alumnado. 

                                                           ROSALÍA DE CASTRO: A autora máis universal da nosa lingua.

MANUELA BARREIRO PICO: Farmacéutica galega. A primeira muller licencicada pola Universidade de Santiago de Compostela no ano 1901.

            MARUJA MALLO: Unha das principais artistas da Xeneración do 27

ANTONIA FERRÍN MOREIRAS: Matemática e astrónoma galega

Durante estos días, a mascota de BIBLIOMARAÑA anímanos a desfrutar coa lectura destes lilbros:

Esta semana tamén nos visitaron unhas compañeiras do Centro de Desenvolvemento Rural "O Viso" para falar sobre a Igualdade e aclarando diferentes conceptos en relación ó tema co alumnado de 5º e 6º de primaria.

 Ademais, dun xeito lúdico e coa axuda dos esconabots, o alumnado da nosa escola puido coñecer grandes descubrimentos de mulleres que melloraron a nosa calidade de vida.