Esta semana o noso cole transformouse nun lugar máxico e misterioso grazas á creación dun novo Recuncho de Contos Especial Samaín. Un espazo pensado para que os nosos nenos e nenas desfruten da lectura dunha forma diferente: entre cabazas, sombras divertidas e personaxes encantados.
Neste recuncho, o alumnado descubriu historias emocionantes, cheas de humor e pequenos “sustos” aptos para todas as idades.
🎃 ¡Feliz Samaín! 👻
Hoxe o noso colexio encheuse de maxia, misterio e moita diversión para festexar o Samaín. Dende a primeira hora da mañá, os nenos e nenas chegaron ó centro con desfraces terroríficos: bruxas, pantasmas, esqueletos, monstros e moitos outros personaxes que deron vida a esta tradición tan especial.
Ao longo da xornada, levaronse a cabo diferentes actividades temáticas. No comedor do cole, os pequenos chefs elaboraron galletas terroríficas, con formas e decoracións inspiradas en arañas, cabazas, morcegos...
Tamén desfrutaron dunha sesión de cine na cal puideron vir unha película acorde coa festa.
Non faltaron os xogos e manualidades: pintaron e explotaron globos, fixeron creativas figuras relacionadas cos personaxes de samaín e decoraron os corredores do centro, enchendo cada recuncho de cor e imaxinación.
Un dos momentos máis esperados do día foron os bailes de samaín, onde o alumnado demostrou o seu talento e entusiasmo movéndose ao ritmo da música. Entre luces, risas e moita enerxía, todos e todas desfrutaron dun intre moi especial para compartir e divertirse xuntos.
Foi un día cheo de sorrisos, sustos e moita creatividade, no que todos e todas participamos para manter viva esta tradición galega tan querida.
¡Feliz Samaín á toda a comunidade educativa!
Esta semana fixemos unha saída moi especial coas nenas e nenos para coñecer un pouco máis a nosa contorna: visitamos o castelo de Bóveda de Vilar de Barrio. A experiencia foi unha auténtica aventura chea de aprendizaxes e descubrimentos.
Durante o percorrido, os pequenos exploradores buscaron pegadas de animais , marcas nas pedras e mesmo restos antigos que nos axudaron a imaxinar como sería a visa hai moitos anos. Entre todos fomos reconstruíndo historias posibles sobre quen viviría alí, como se defendían ou que costumen poderían ter.
A saída serviunos non só para aprender sobre historia e natureza, senón tamén para valorar o patrimonio que temos tan preto de nós.
Foi unha xornada chea curiosidade, emoción e ganas de seguir descubrindo.
¡Xa estamos desexando volver saír a explorar novos recunchos da nosa contorna!
Esta semana, o alumnado do noso colexio tivo a oportunidade
de realizar unha saída moi especial: visitamos o albergue da nosa localidade,
un lugar moi ligado ao Camiño de Santiago e aos milleiros de peregrinos
que cada ano pasan polo noso pobo.
Durante a visita, puidemos coñecer de preto as
instalacións e descubrir como é o día a día das persoas que fan o Camiño.
Aprendemos curiosidades sobre a súa viaxe, os diferentes países de onde veñen e
o que os leva a emprender esta experiencia tan enriquecedora.
Os nenos e nenas estiveron moi atentos e
participativos, facendo preguntas cheas de interese e curiosidade:
querían saber como se preparan os peregrinos, que levan nas súas mochilas,
cantos quilómetros camiñan cada día ou como se senten ao chegar á meta en
Santiago.
Un dos momentos máis especiais da visita foi
cando tivemos a oportunidade de entrevistar a unha peregrina que se
atopaba hospedada no albergue. Os rapaces aproveitaron para facerlle moitas
preguntas: querían saber que significaba para ela esta experiencia, como
se sentía ao levar a cabo o Camiño e que aprendizaxes estaba descubrindo
ao longo da ruta. A súa resposta emocionou a todos, xa que nos contou que, máis
alá do esforzo físico, o Camiño é unha viaxe interior chea de reflexión,
solidariedade e encontro con xente marabillosa.
Foi unha xornada educativa e enriquecedora,
que nos axudou a valorar a importancia do noso pobo dentro do Camiño e a
comprender mellor o significado desta tradición tan arraigada en Galicia.
Dende o colexio queremos agradecer ao persoal
do albergue pola súa acollida e polas explicacións tan interesantes, así
como á peregrina que compartiu connosco a súa experiencia. Sen dúbida, esta
saída deixou unha pegada especial en todos nós.
Esta semana, o noso alumnado converteuse nun auténtico equipo de radio para preparar e emitir un programa especial adicado á Festa da Pataca de Vilar de Barrio. Unha experiencia chea de creatividade, traballo en equipo e moita diversión.
Durante a emisión, os nenos e nenas compartiron todas as recreacións artísticas que realizaron destacando como protagonista a pataca, así como outros elementos naturais da contorna: follas, ramas, pedras, castañas, landras… ¡A natureza converteuse nun gran abanico de ideas!
Neste programa de radio contaron paso a paso cómo levaron a cabo as súas creacións. Explicaron o proceso de selección dos materiais así como as técnicas empregadas: dende esculturas feitas con patacas unidas con palillos ata pequenas figuras decoradas con pintura, lá, teas recicladas e elementos do bosque. Tamén falaron de cómo combinaron texturas e cores para dar vida a personaxes, animais...
Aprenderon que obxetos tan cotiás como unha pataca poden converterse en arte si se pon imaxinación e ganas.
A actividade non só lles permitiu practicar a expresión oral e o traballo cooperativo, senón tamén valorar a creatividade, coidar o medio ambiente e apreciar as tradicións da nosa comunidade.
¡Noraboa a todos os pequenos artistas e comunicadores por este marabilloso programa! 🎉🥔📻
Dende o cole sumámonos con moita ilusión á festa da pataca organizada polo Concello de Vilar de Barrio.
Os días previos, preparamos o cartel identificativo do noso cole para participar na festa da Pataca.
O alumnado, en colaboración coas súas familias, aceptaron o reto de crear figuras e recreaccións empregando patacas así como outros elementos. Con moita creatividade, imaxinación e esforzó, os nenos e nenas converteron simples patacas en personaxes, animais…
Algunhas das recreacción feitas polo noso alumnado son as seguintes:
Grazas ó concello por facernos partícipes desta iniciativa.
Noraboa a todos os participamntes polo entusiasmo e esforzo.
