A araña Maraña quere dar a noraboa a toda a comunidade educativa (alumnado, familias, profesorado, persoal non docente), poñendo en valor o esforzo que se levou a cabo durante este trimestre.
Agora toca descansar e desfrutar un tempo na casa coa familia.
Boas Vacacións a tod@s os pequen@s!
Non vos esquezades que "LER é SOÑAR cos ollos ABERTOS"
Nunca deixedes de SOÑAR
A semana pasada, tivo lugar o Obradoiro de Biblioteca creativa en BiblioMaraña.
Foi unha xornada moi intensa e moi interesante onde o noso alumnado e profesorado participou activamente, poñendo en valor a innovación xunto coa creatividade e a imaxinación.
No seguinte vídeo, vemos un resumo da xornada:
RadioMaraña segue a emitir os seus programas en directo...
Hoxe, 15 de decembro de 2020, Irati e Aylin de 3º de primaria nos contan curiosidades sobre Animais fantásticos. Nesta ocasión imos a aprender moitas cousas sobre O Ornitorrrinco.
Non deixes de escoitalo!!
O noso alumnado comenzou a participar na elaboración de Programas de Radio nos recreos en RADIOMARAÑA.
A semana pasada comezou Antela e Abiel dando o parte meteorolóxico da semana e o menú do comedor.
Onte, Roi e Estrella nos contaron un conto, Bágoas debaixo da cama.
Esta actividade está sendo un éxito. O alumnado está preparando os seus programas con moita ilusión e bo facer...Con que nos sorprenderán na seguinte sesión? Estade atentos...e desfrutade con RadioMaraña!!
