PROXECTO DONAS DE SI

O programa "Donas de si" , enmarcado no Plan Proxecta, ten como obxectivo principal a visibilización e posta en valor da participación e produción das mulleres como pezas fundamentais na configuración e no desenvolvemento da sociedade galega contemporánea, de xeito que se recoñeza o seu papel político, social, artístico, científico e cultural.

 Dentro das moitas actividades do proxecto, hoxe, 2de abril, tivemos a visita dun escritor e unha ilustradora na nosa Biblioteca para levar a cabo unha xornada sobre unha muller importante que, neste caso, eleximos que fora Luisa Villalta por ser a homenaxeada nas Letras Galegas deste ano. Mentres o escritor nos falou da súa vida e obra, a ilustradora mostrounos as súas dotes de artista nun mural da parede, e a continuación, todo o alumnado fixo un retrato de Luisa Villalta seguindo as instrucións dadas pola ilustradora profesional.

2 ABRIL - DÍA INTERNACIONAL DO LIBRO INFANTIL E XUVENIL

 Dende Bibliomaraña queremos destacar este día xa que, os libros, ademais de fonte de entretemento son unha poderosa ferramenta para enriquecer a vida do noso alumnado, fomentando a creatividade, a imaxinación e o pensamento crítico.

Amosámosvos a mensaxe e o cartaz que a representa, que este ano nos chega dende Xapón para a infancia do mundo, traducida a moitas linguas para a súa difusión internacional, e por suposto, colaboramos en difundir.

 A ilustradora Nana Furiya foi a encargada de elaborar o cartel deste ano 2024 en colaboración coa escritora Eiko Kadono, autora da mensaxe:  

Sobre as alas, os contos viaxan. Desexando sentir o latexo do teu corazón.

Son o Conto Viaxeiro. Vou voando a calquera sitio.

Ás veces vou nas alas do vento. Outras, nas alas das ondas.

E outras nas aliñas dun gran de area.

Por suposto, tamén subo nas alas das aves migratorias.

E, de cando en vez, incluso nas dos avións.

Despois, sento ao teu carón, abro as miñas páxinas e cóntoche a historia que queiras.

Quizais unha historia fantástica?

Ou prefires unha historia triste? De medo?

Unha para rir ás gargalladas?

E se polo de agora non queres escoitar ningunha, non pasa nada.

Seguro que algunha vez terás ganas. Daquela, chámasme. Non tes máis que dicir:

«Conto Viaxeiro, ven aquí!», e irei voando ao teu lado.

 

Teño historias a moreas.

A historia dunha illa que, farta de estar soa e aburrida, aprendeu a nadar para facer amizades...

Ou a dunha misteriosa noite en que apareceron dúas lúas...

E aquela de cando Papá Noel se perdeu...

 

A ver? Si, si, seica estou oíndo latexar o teu corazón!

Bom, bom! Bum, bum! Pumba, pumba!

Iso é que o Conto Viaxeiro está dentro de ti e fai soar as campás do teu corazón.

Seguro que a próxima vez es ti o Conto Viaxeiro e desexarás ir de viaxe!

E deste xeito, no mundo nacerá un novo Conto Viaxeiro. 

DIA MUNDIAL DA NARRACIÓN ORAL (20 MARZO)

 Se sempre queremos fomentar a lectura, este día quixemos facelo dun xeito especial, facendo que todo o alumnado pasara pola Biblioteca e adicara un tempo a ler de maneira individual, narrar algunha historia para o resto do grupo ou a representar algún conto.

DÍA MUNDIAL DA POESÍA

 En días previos ó 21 de marzo, preparouse no corredor do colexio unha selección de libros con poemas para chamar a atención do alumnado e adicaran máis tempo á poesía. Por outra banda, a nivel de aula, en todas as asignaturas se traballou con diferentes poemas lidos e cantados.

Fixéronse, nas diferentes áreas, actividades con poemas. Un exemplo destas foi a proposta que fixo a Araña Maraña co libro de Antón Cortizas Os versos da Mariola, o alumnado aprendeu un dos poemas, púxolle música e despous xogou no patio á mariola mentras o entonaba.

DÍA MUNDIAL DOS DEREITOS DO CONSUMIDOR

 O 15 de marzo conmemoramos o Día Muncial dos Dereitos do Consumidor. Nos días previos tratamos de pescudar información sobre o que significa ser consumidor e cales son os nosos dereitos como consumidores e consumidoras. Feito esto tratamos de facer algún produto final no que quedara plasmada esta información. Estes son algúns dos murais ou carteis elaborados cos seus ordenadores ou nas tabletas.

TRABALLAMOS A IGUALDADE CON SCRATCH

 Levamos todo o curso co proxecto de igualdade, abordándoo en todas as áreas e desde todoas as ferramentas posibles. Estes días facemos un pouco máis de fincapé en scratch, co fin de acadar un proxecto con esta ferramenta no que o fío sexa a igualdade. Deixámosvos unha captura de parte do código para que o vexades por dentro, pero tamén vos damos a opción de xogar. Esperamos que o desfrutedes.

Preme na foto do xogo e abriráse nunha nova xanela para que podas xogar:

DÍA INTERNACIONAL DAS MATEMÁTICAS -14 MARZO

 

Hoxe, 14 de marzo conmemórase o Día Internacional das Matemáticas. Hoxe a nosa biblioteca encheuse de números, enigmas e xogos matemáticos.

Os/as maiores prepararon retos matemáticos; e hoxe, todos e todas tiveron un tempo para resolvelos. A continuación fixemos unha posta en común con resultados para valorar se fomos quen de chegar á solución correcta. Foi moi divertido.

O alumnado dos primeiros cursos de primaria e de infantil adicaron parte do día a diversas actividades de matemáticas manipulativas, entre elas facer figuras usando tangram, series, números, formas... tanto de xeito manual como no panel dixital.

TEATRO NO AUDITORIO: "HUGO"

O 27 de marzo vai ser o Día Mundial do Teatro pero no noso cole adiantamos uns días esa celebración e commemorámos esa celebración o día 12 para adaptarnos ós horarios da compañía de teatro.

 En colaboración con Afundación de Abanca, fomos ó Auditorio de Ourense para desfrutar e aprender da obra de teatro HUGO, un espectáculo con forte compoñente social que en consonancia co noso Proxecto de Igualdade, intenta convencer do respecto ás diferezzas, sensibilizar e darlle visibilidade ó trastorno do espectro autista.

O protagonista, que ten TEA, é diferente; gústanlle moito os avións e tocar o piano. A Laia gústalle falar e coidar as prantas. A obra desborda empatía, necesidade de comunicarnos e apreza a beleza das diferencias.

Podemos concluir decindo que ser diferentes fainos grandes. Toda unha lección de vida.

Aproveitamos tamén para tomar a merenda de media mañá nun parque cercano ó auditorio e desfrutar de enredos diferentes ós que temos no colexio.

INFORMATIVO SEMANAL: Especial Semana da Prénsa.

 Aquí vos deixamos o programa de radio que editamos como informativo semanal durante a Semana da Prénsa.

8 DE MARZO DÍA INTERNACIONAL DA MULLER - OBRADOIRO DE IGUALDADE CO CDR O VISO DE LODOSELO.

 O 8 de marzo recordamos que cada día do ano debe estar marcado pola igualdade e polo recoñecemento dos dereitos da muller, polo que este día sería mellor que non existira. Oxalá non fixera falta esta conmemoración. Ó longo dos anos temos avanzado moito, pero debemos seguir traballando en prol da igualdade e desde Bibliomaraña así o estamos facendo.

Participamos no concurso de carteis do 8 de marzo convocado pola Consellería de Igualdade en colaboración coa Consellería de Educación. Non tivemos a sorte de gañar, enviamos os nosos parabéns ós centros seleccionados, pero estivemos encantados de participar e lucimos con orgullo e sentimento o noso cartel.

Nestes días, coñecemos a vida e obra de diferentes mulleres importantes. O alumnado dos primeiros cursos de primaria traballou a igualdade no deporte, investigaron sobre moitas deportistas, elaboraron códigos QR que foron colocados na árbore da igualdade para que toda a comunidade educativa os poda escanear cando o desexe.

O alumnado de infantil traballou a igualdade a través das mulleres máis importantes para eles e para o seu desenvolvemento como persoas. Colorearon fichas, fixeron un libriño e un pequeno vídeo no que explicaban o por qué da importancia destas mulleres.

Algúns alumnos e alumnas, pola súa propia iniciativa apareceron con panos morados, camisetas reivindicativas ou co seu propio cartel para a ocasión.

Tivemos a sorte de contar, un ano máis cun grupiño de voluntarios/as do CDR O Viso, entre eles Andrés, cantareiro e pandereteiro, que se achegaron ó noso centro para reflexionar sobre a igualdade a través da música. Analizamos letras orixinais de cantigas galegas e vimos que tiñan unha linguaxe moi machista, amenazadora, sexista, autoritaria; en definitiva, chea de agresións verbais... o que fixemos foi buscar as palabras axeitadas para cambiar esas letras por outras fermosas que nos gustaran máis e non lle faltaran á muller  polo feito de ser muller. Amosamos o antes e o despois da letra dunha desas cantigas populares.

Deixámosvos algunhas fotos deste proceso de transformación deda letra:

E, por suposto, para rematar o obradoiro orgullosos do proceso, alumnado, profesorado, monitores e monitoras, cantamos a nova versión da cantiga. Preme na imaxe para ver e escoitao vídeo. 

Foi unha xornada inesquecible, desfrutámola moito.

MOITAS GRAZAS, CDR O VISO e colaboradores, por compartir con nós o voso bo facer e axudarnos a loitar por unha boa causa: A IGUALDADE e un mundo máis xusto, sen estereotipos de xénero.