DÍA DAS BIBLIOTECAS ESCOLARES

A Consellería de Educación publicou o lema elexido para as bibliotecas escolares de Galicia de cara a este curso 2022-23: ESCRIBIR A BIBLIOTECA ESCOLAR. Desde Bibliomaraña aceptamos o reto de escribir. Escribir para: saber e aprender, comunicar e comunicarnos, escribirnos, coñecernos, relacionarnos, compartir escritos, colaborar, incluír, visibilizar, crear, desfrutar... Mostramos o cartel co lema deste ano, deseñado por Belen L. Méndez, coñecida como “nacu”; e tamén a primeira propostra de escritura e creación feita pola Araña Maraña, mascota da nosa biblio, coa temática do Samaín.

DÍA DAS ESCRITORAS

Este ano, no día das escritoras, tratamos de facer unha homenaxe ó papel fundamental destas mulleres cando se viron envoltas en situacións de conflito bélico e sufrimento. Todo o alumnado de Primaria se involucrou e o resultado foi este podcast que podedes escoitar a continuación.

OBRADOIRO SOBRE AS REDES SOCIAIS NO CAMIÑO DE SANTIAGO

A biblioteca debe ser fonte de información e conexión entre o centro co seu alumnado, e toda a comunidade educativa; por iso, o 4 de outubro tivemos dous obradoiros, un en horario escolar, para 4º, 5º e 6º; e outro fóra do horario escolar, aberto a familias e público en xeral. O tema: as redes sociais, coas súas vantaxes, perigos e consecuencias do publicado, precaucións a ter en conta e elaboración de filtros para as mesmas. Grazas a CEO ABERTO, por facelo posible en colaboración con BIBLIOMARAÑA.

INAUGURACIÓN CURSO

Comezou un novo curso e con el un acto de apertura de BIBLIOMARAÑA, no que o alumnado de 6º, como axudantes da biblioteca, faláronlles ós máis pequenos dos diferentes recunchos e normas, fixeron entrega das mochilas viaxeiras, o sorteo dos padriños lectores, e realizaron unha batería de actividades nas que eles e elas, novos bibliotecarios, foron coordinando ós diferentes grupos e traballando a lectura, a expresión e desenrolo da creatividade con actividades artísticas e diferentes xogos. Unha xornada moi completa...!!!

OBRADOIRO DE CESTERÍA

 

Dentro do Programa de Creativa, o alumnado participou nun obradoiro de cestería.

Coa axuda d e Sergio, todo o alumnado colaborou na elaboración dun cesto para a nosa biblioteca.

Foi unha xornada moi interesante. a continuación, podedes ver algunhas fotos do proceso e o resultado final:

PROXECTOS DIGICRAFT

  O alumnado de 5º e 6º teñen uns proxectos maker moi interesantes que mostrar.

EN ABRIL...BIBLIO A MIL!

O alumnado do cole de Vilar de Barrio

 segue a participar en diferentes actividades

 na  biblioteca da Araña Maraña.

Seguimos con dinámicas de teatro con Manuel Fontemoura. A través de este tipo de actividades, os alumn@s melloran a súa dicción, a posta en escea, a súa expresión oral...

Pola celebración do DÍA DO LIBRO e dentro do programa de BIBLIOTECA CREATIVA, o día 26 de abril tivemos a visita de Pablo Otero.

Pablo Otero é o autor do Cartaz deste cuso de Bibliotecas escolares.

 Este artistas mostrounos o cartle orixinal e explicounos o proceso de elaboración ata chegar o cartaz final.

Despois, animou ós nosos pequen@s a crear unha portada do seu libro favorito ou inventado.

 Empregaron diferentes técnicas, e diferente material de refugallo.

A continuación, pódese ver o proceso:

E para finalizar o mes, fixemos os nosos diseños en 3D ( actividade organizada por ABANCA):