SPEED DATING DE LIBROS. (Citas rápidas)

     En Bibliomaraña fixemos con 5º e 6º unhas citas rápidas de libros. Explicámosvos en que consistiu: Cada quen escolleu un libro, o que máis lle gustou ou o que lle chamou a atención polo motivo que fora. Fixemos parellas e nun minuto cada un tivo que contarlle á súa parella o que lle pareceu do libro, tratando de convencelo para que o lea. Pasados os dous minutos empregados por cada parella faise cambio de parellas, e sí ata que todo o alumnado presente o seu libro a todos e todas. Como final da estratexia, fixemos unha posta en común na que cada alumno/a explica  con cal dos libros recomendados se queda e por que.

    Foi unha experiencia bonita e resultona porque, ás veces non sabemos que libro coller no préstamo, e nese momentos todos/as tiñan desexos de ler varios títulos, polo ben que os/as demais lle falaron deles.

INAUGURACIÓN OFICIAL

             O alumnado de 6º como bibliotecarios voluntarios, axudado polo de 5º, levan días preparando todo para a apertura oficial e, porfín chegou ese día. 

              Recordáronnos normas, explicáronnos a distribución das diferentes zonas e recunchos, emparellaron ós padriños e madriñas lectoras cos seus afillados e afilladas, repartiron as mochilas viaxeiras para que empecen o seu percorrido polos diferentes fogares e sexan desfrutadas en familia; pero, sobre todo invitáronnos a mergullarnos no mundo dos libros e da lectura, a enchouparnos de novas historias e vivir novas vidas cos diferentes personaxes que vaiamos coñecendo.

              Un gran equipo de voluntarios...!!! Deixamos unhas fotiños dese día.

NOVO CURSO, NOVAS PROPOSTAS, NOVOS SOÑOS...

             Como cada ano, a Araña Maraña danos a benvida, abríndonos as portas de BIBLIOMARAÑA e invitándonos a coñecer con ela novos mundos, novas historias, novas ferramentas, novos xogos e milleiros de experiencias. Este ano, o tema anual é a banda deseñada. O comic estará sempre presente para desfrute de todas e todos, favorecendo a autonomía lectora grazas ó apoio visual.

O cartel deste ano é obra de Jorge Campos, ilustrador, arquitecto e artista do comic. Nel preséntanos unha biblioteca escolar en viñetas. 

MATEMÁTICAS E CIENCIAS NA BIBLIO

 Xogando, e de maneira distendida, tamén se traballa na biblioteca coas matemáticas e coas ciencias: construímos polígonos, facemos circuítos eléctricos, traballamos con imáns, coñecemos o interior do noso corpo, experimentamos, manipulamos... 

5 de xuño: DÍA MUNDIAL DO MEDIO AMBIENTE

 Neste curso, en relación ó medio ambiente tivemos duas actividades destacadas. A primeira delas, foi unha visita ó centro  Axentes medioambientais dos que aprendemos como coidar e respectar ós animais e tivemos a sorte de que trouxeron un par de aguiluchos, que despois de ser tratados no nun centro de recuperación de aves, xa estaban preparados para voltar á súa vida en libertade e s solta fixémola con estes axentes desde o patio do colexio. Ata veu un fotógrafo dun diario ourensá e saímos na prensa.

A outra actividade estivo relacionada co mundo das abellas e o mel. Poidemos aprender polo miúdo todo sobre estes animaliños, ver a raíña dentro dun dos paneis da colmea, a súa organización e valorar a importancia que teñen para o medio ambiente pola súa actividade na polinización das prantas.

PREMIO DE POESÍA

 O IES San Mamede de Maceda, convoca un concurso de poesía para que poda participar nel o alumnado de 6º de primaria que será escolarizado nese instituto o próximo curso. Os premios foron entregados na Xornada informativa e visita ó centro que tivo lugar a finais de maio. Pois ben, para alegría de Xisela e Iván, os dous premios foron entregados a dous alumnos do noso centro. Parabéns...!!!

HILOGRAMAS

     Seguimos facendo comunidade co Centro de Día e os nosos maiores. Esta vez foron varias xornadas de xuntanza para facer hilogramas. Foi un traballo colaborativo e desfrutámolo moitos todos e todas.