GRANDES MULLERES II: CLARA GRIMA E AS MATEMÁTICAS

Afondando no estudo de mulleres importantes, hoxe investigamos sobre a matemática Clara Grima e o resultado foi este programa de radio. O segundo da sección de GRANDES MULLERES.

TRIPTICOS DE BOAS PRÁCTICAS DE SAÚDE

 Na aula de 5º e 6º, traballamos e investigamos sobre a saúde e as boas prácticas. Neste curso adicado ó comic, tratamos, con frecuencia, de plasmar ideas en papel. Esta vez fixemos carteis e trípticos que tiveran que ver con calquera tema en favor da saúde. Amosamos algún como mostra.

OBRADOIRO CON SUPER LUPO E PALITROQUES

 A finais do primeiro trimestre, en Bibliomaraña levouse a cabo un obradoiro en colaboración co Colexio Oficial de Arquitectos, enmarcado no proxecto TERRA, dentro do que hai unha serie de actividades, AS SEMENTEIRAS. Unha desas actividades baséase na construción dos fogares dos animais. REFUXIO-CASA, móstranos como aprender dos animais para construir. Despois dunha exposición por parte dunha experta en arquitectura, pasamos a parte práctica e pasámolo xenial construíndo co SUPER LUPO (grandes bloques de polietileno de baixa densidade) e os PALITROQUES (paus e conexións coas que rematamos os tellados). Foi unha xornada fantástica...!!!

O NADAL NO NOSO CENTRO

O Nadal é un tempo de ledicia, vacacións, primeira avaliación, panxoliñas, actuacións, festival coas familias... pero tamén pode ser un bo tempo para ler, por iso, en Bibliomaraña se mudou o escaparate para poñer decoracións e lecturas recomendadas de Nadal. que a maxia destas festas tamén abarque o lectura e o desexo de ler.

PROTEGIENDO EL PLANETA (programa de radio)

Este Programa de radio foi o resultado dunha investigación feita polos tres alumnos de 5º na área de lingua castelá, feito polo que , nesta ocasión, Radiomaraña fala castelán. Se facemos caso ós consellos que oímos neste podcast, contribuiremos a conservar o noso Planeta Terra e a loitar por un mundo mellor. Desfrutádeo e fagámoslle caso ós ecoconsellos.

NOVOS XOGOS EN BIBLIOMARAÑA

Para desfrute de todas e todos, dispoñemos de novos xogos moi interesantes que vos amosamos na mesa de novidades para que podades velos, e peoximamente pasarán á zona de xogos de Bibliomaraña.

PROXECTOS CIENTÍFICOS. EXPERIMENTOS

O alumnado de 5º e 6º expuxeron ante o resto de compañeiros e compañeiras os seus proxectos científicos. Realizaron a práctica experimental e apoiaron a exposición coas presentacións que elaboraron.