Esta semana celebramos o Día da Paz, con diversas actividades tanto nas aulas coma na biblioteca e tamén no patio. Como hoxe é o propio día mostraremos algo e iremos completando información ó longo da semana.
Unha das actividades colectivas foi un photocall co título Voando cara a paz. Para a súa elaboración final, todo o alumnado decorou en familia unha parella de ás pequenas, do xeito que máis lle gustou e con técnica libre. Con todas as ás péquenas fíxose unha composición para formar dúas grandes ás que pegadas na parede foron o fondo no que todos fixemos a nosa foto do día da paz.
Fixemos diferentes deseños en tinkercad para facer pulseiras de paz. Estes deseños teñen dúas asiñas de lado nas que despois se engancharán os cordeis para rematar as pulseiras. De momento estamos coa decoración dos motivos de paz, despois virá a segunda parte.
Algunha das clases de música desta semana tivo lugar no patio do colexio e, mentres escoitamos cancións de paz, pintamos nas paredes do pavillón e do cole diferentes símbolos da paz.
En infantil tamén fixeron os seus traballiños da paz.
No hay comentarios:
Publicar un comentario