VIAXE A SANTIAGO: MUSEO DE HISTORIA NATURAL E CASCO ANTIGO DA CIDADE.

 O venres 24 de maio fixemos unha viaxe a Santiago de Compostela, en colaboración co Concello, para coñecer o Museo de Historia Natural (visita que estaba pendente para conmemorar o Día dos Museos) e coñecer o entorno da Catedral, rúas do casco vello e Alameda. Foi un día ben completiño.

ACTIVIDADES INTERXERACIONAIS

 O alumnado do colexio desprazouse ó centro de Día unha vez ó mes, para traballar en diversas actividades xunto cos nosos maiores. Tanto nenos e nenas coma os usuarios do centro de día desfrutaron das actividades, da compañía e axudáronse mutuamente. 

Elaboraron atrapasonos, fixeron caixiñas e xoieiros con pasta de sal e cociñaron deliciosas pizzas. Quédanos pendente unha última actividade relacionada cos xogos populares que terá lugar nos próximos días.

OBRADOIRO DE RECICLAXE CON SOGAMA

 Persoal de Sogama desprazouse ata o noso centro para recordarnos a regra das tres R, que en realidade xa son 4, como se recicla de maneira correcta e falarnos dos novos colectores. Despois da información, veu o mais divertido... xogar a reciclar. como despedida recibimos un imán que leva incorporada unha guía de reciclaxe.

CINEMA CON PERSPECTIVA: COMEMOS CON IGUALDADE

 En colaboración co proxecto Cinema con Perspectiva fixemos unha curtametraxe con temática de igualdade. Traballamos todo o proceso decidindo para cada acción o lugar da cámara, tamaño dos planos, ángulos de cámara, movementos, encaixe e composición de elementos dentro do cadro de imaxe, traballamos a lei da mirada, fixemos guión, repartimos personaxes, nomeouse directora e cámaras, ensaiamos os guións e puxémonos a rodar.

Despois de ser editada por expertos, este é o resultado. Preme na imaxe para ver a curta:

DÍA DA FAMILIA

 Dado que os lazos familiares e a composición das familias cada vez é máis diversa, traballouse o Día da familia, no que non queda ninguén excluído. Desde Bibliomaraña propúxose este libro:

O alumnado que traballa como bibliotecarios voluntarios, contáronlle o conto ó resto do alumnado, ó mesmo tempo que lles falaban de diferentes tipos de familias.

Despois, seguiuse traballando a familia a nivel de aula.

LETRAS GALEGAS 2024: LUISA VILLALTA

 Dende fai meses, vimos investigando sobre a vida e obra de Luisa Villalta e realizando numerosas actividades en todos os cursos en torno á escritora homenaxeada deste ano. Un dos froitos desa investifación foron presentacións feitas polo alumnado e expostas ante o resto de alumnos e alumnas.

Tamén fixemos debuxos e pequenos murais:

Traballamos tammén con xogos educativos on line, para os diferentes niveis, facilitados pola Área Educativa Afundación. Deixámosvos fotos e o enlace por se queredes entrar.

Preme na imaxe para xogar:

Na aula dos primeiros cursos de primaria fixeron un vídeo sobre a vida e obra de Luisa Villalta. Preme na imaxe para ver o vídeo.

Toda primaria participou nunha xornada de orientación sobre Luisa Villalta na que tiveron que ir resolvendo ferentes acertixos e retos e conseguir pezas para formar un puzle da escritora.

Fixéronse comics sobre a escritora. Este é o de Isaura.

MULTIPLICAMOS PARA A IGUALDADE

 Este curso, o proxecto de igualdade lévanos a todos os campos. En matemáticas estivemos traballando as táboas de multiplicar e proplemas relacionados coa multiplicación e empregamos estes cadernos nos que todos os problemas do seu interior están dotados de palabras fermosas e en prol da igualdade.

TRABALLANDO OS CIRCUÍTOS

 PROXECTO DE HUGO DE 6º: "Guerra espacial controlada con auga"

 Preme na imaxe para ver o vídeo explicativo.

Outros modelos de circuítos:

DIA INTERNACIONAL DA SAÚDE- Saude bucodental

 Este ano, o Día da Saúde acordamos adicarllo á saúde bucodental pola importancia que ten na infancia.

Retrasamos un pouco a súa celebración en espera de poder contar no centro coas hixienistas do PAC de Xinzo de Limia, cabeceira da nosa comarca, que voluntariamente e de maneira desinteresada se acercaron ó colexio para compartir con todo o alumnado, tanto de infantil coma de primaria, un obradoiro no que se traballaron diversos aspectos da saúde bucodental e a súa relación con hábitos de hixiene e alimentación saudables. Unha mañá fructífera e chea de bos consellos. Moitas grazas por compartir con nós os vosos coñecementos.

ANIMAIS EN PERIGO DE EXTINCIÓN

 O alumnado de 6º, dende a área de ciencias da natureza, fixo unha investigación sobre os animais en perigo de extinción. Despois cada quen escolleu un deses animais e fixo unha presentación sobre el. Cando estiveron rematadas, expuxeron os seus traballos ó resto do alumnado.

BENVIDO MAIO...!

 Na clase de relixión, debido á chegada do mes de maio, deseñaron cruces para darlle a benvida ó mes e seguir as tradicións. Mostrámosvos a continuación algunhas delas.

ROBÓTICA CON MBOT

 Os mBOT están en Bibliomaraña desde fai uns anos e con eles o alumnado practica a programación por bloques de xeito similar a como o fai en scratch.

SEMANA DO LIBRO - DIA INTERNACIONAL DO LIBRO E DO DEREITO DE AUTOR - 23 ABRIL

 Do 22 ó 26 de abril traballouse arreo en favor do hábito lector. A nivel de aula fixéronse diversas actividades; pero, a nivel de centro, unha delas foi manter ó longo desa semana  e parte da seguinte, incluída a fin de semana, un stand de libros no patio do colexio. A el tiña opción de acudir calquera persoa e en calquera horario. Nos recreos tivo máis afluencia do alumnado. 

O alumnado responsabledeste stand foron ós bibliotecarios e bibliotecarias de Bibliomaraña. Fixeron o cartel, colocaron mesas e libros, velaron nos recreos para asesorar e manter os libros ordenados e finalmente recolleron todo.

Na aula de 5º e 6º deseñamos marcapáxinas, plastificámolos e repartímolos o Día do Libro a todo o alumnado e profesorado do colexio.

Fíxose un escape-room da biblioteca no que por equipos tiveron que resolver enigmas e ir acadando pistas que lle permitiron atopar a chave para poder saír da biblioteca. Cada equipo estaba identificado por un color diferente na chapa que se fixo para a actividade.