Consideramos que no Día das Bibliotecas debemos destacar a importancia das mesmas como motor de desenvolvemento das nosas actividades e fonte imprescindible para espallar a cultura. Ese día adicamos un tempo máis longo a desfrutar da lectura de xeito libre. E tamén recordando e empregando a plataforma Elbe-2, outra maneira de acceder á lectura desde calquera lugar de forma cómoda
.jpg)
O curso pasado, no marco do proxecto Lectura e Famílias, botamos a andar tres mochilas temáticas para desfrutar en familia: unha de xogos, outra de música e a terceira de manualidades. Este ano, mantemos esas tres mochilas e incrementamos a oferta con outras tres: unha de ciencia e experimentos, outra de inglés e a última de enigmas e retos.
O sistema de funcionamento será o seguinte: son as familias as que deben solicitalas ó centro. Se estiveran ocupadas, quedan anotadas na reserva e poden estar na casa unha ou dúas semanas a criterio de cada familia. Animo...! Xa están esperándovos...!!!
ÍÑIGO DE LA QUADRA SALCEDO, estivo no noso cole e con el trouxo un planetario inchable. Todos estivemos dentro do planetario escoitando as súas maravillosas explicacións e viaxando con el no tempo e no espazo. paseámos polo firmamento e aprendemos moitas cousas das estrelas, do sol, da lúa e as súas fases, dos planetas e as órbitas, da Vía Láctea. das constelacións... unha xornada moi interesante...!!!
O outono, tempo de colleitas no rural. No atio do colexio temos noces e castañas, un bo almorzo para os recreos. Estamos na comarca da Limia, onde as patacas son parte importante da economía, e en concreto, en Vilar de Barrio celébrase a Festa da patacada que este ano foi a 44 edición.
Desde Bibliomaraña unímonos ás celebracións do Concello e facemos comunidade coas nosas xentes, participando activamente nas actividades que nos propoñen. Froito desta colaboración para a Festa da pataca foron os dous murais que foron expostos no Campo da Festa e que vos mostramos a continuación, nos que as patacas son unha boa parte do material empregado. Como premio, o Concello agasallounos cunha viaxe. Coñecemos tamén diferentes tipos de carros prestado por veciños e coñecemos os nomes de cada unha das súas partes.
O comic e a Banda deseñada son exo dentral da temática deste ano nas Bibliotecas Escolares. En Bibliomaraña levamos desfrutando todo o mes de outubro dunha sección temporal sobre o comic e a banda deseñada coas aportacións da maleta viaxeira que sobre este tema trouxemos da Asesoría de Bibliotecas. Con ela, poidemos completar a ampla cplección de comics que xa temos e usamos habitualmente.
A nosa biblioteca é de todos/as e para todos/as, para os/as que estamos e para quen queira vir. É un espazo aberto á comunidade e cada vez máis. Está a disposición da comunidade educativa e de calquera comunidade que se queira achegar, pero, loxicamente, quen máis desfrutamos dela somos os/as que casi "vivimos" nela, o alumnado e profesorado de infantil e primaria. Comprobádeo...
Como cada ano, o alumnado maior toma o papel de padriños e madriñas lectoras do alumnado de menor idade. Cada mécores, no recreo da mañá, adícanlle uns minutiños á lectura de contos, escollendo o recuncho que queiran do patio de recreo.
En Bibliomaraña fixemos con 5º e 6º unhas citas rápidas de libros. Explicámosvos en que consistiu: Cada quen escolleu un libro, o que máis lle gustou ou o que lle chamou a atención polo motivo que fora. Fixemos parellas e nun minuto cada un tivo que contarlle á súa parella o que lle pareceu do libro, tratando de convencelo para que o lea. Pasados os dous minutos empregados por cada parella faise cambio de parellas, e sí ata que todo o alumnado presente o seu libro a todos e todas. Como final da estratexia, fixemos unha posta en común na que cada alumno/a explica con cal dos libros recomendados se queda e por que.
Foi unha experiencia bonita e resultona porque, ás veces non sabemos que libro coller no préstamo, e nese momentos todos/as tiñan desexos de ler varios títulos, polo ben que os/as demais lle falaron deles.
.jpg)
.jpg)
.jpg)
O alumnado de 6º como bibliotecarios voluntarios, axudado polo de 5º, levan días preparando todo para a apertura oficial e, porfín chegou ese día.
Recordáronnos normas, explicáronnos a distribución das diferentes zonas e recunchos, emparellaron ós padriños e madriñas lectoras cos seus afillados e afilladas, repartiron as mochilas viaxeiras para que empecen o seu percorrido polos diferentes fogares e sexan desfrutadas en familia; pero, sobre todo invitáronnos a mergullarnos no mundo dos libros e da lectura, a enchouparnos de novas historias e vivir novas vidas cos diferentes personaxes que vaiamos coñecendo.
Un gran equipo de voluntarios...!!! Deixamos unhas fotiños dese día.
