Esta semana o noso cole transformouse nun lugar máxico e misterioso grazas á creación dun novo Recuncho de Contos Especial Samaín. Un espazo pensado para que os nosos nenos e nenas desfruten da lectura dunha forma diferente: entre cabazas, sombras divertidas e personaxes encantados.
Neste recuncho, o alumnado descubriu historias emocionantes, cheas de humor e pequenos “sustos” aptos para todas as idades.
🎃 ¡Feliz Samaín! 👻
Hoxe o noso colexio encheuse de maxia, misterio e moita diversión para festexar o Samaín. Dende a primeira hora da mañá, os nenos e nenas chegaron ó centro con desfraces terroríficos: bruxas, pantasmas, esqueletos, monstros e moitos outros personaxes que deron vida a esta tradición tan especial.
Ao longo da xornada, levaronse a cabo diferentes actividades temáticas. No comedor do cole, os pequenos chefs elaboraron galletas terroríficas, con formas e decoracións inspiradas en arañas, cabazas, morcegos...
Tamén desfrutaron dunha sesión de cine na cal puideron vir unha película acorde coa festa.
Non faltaron os xogos e manualidades: pintaron e explotaron globos, fixeron creativas figuras relacionadas cos personaxes de samaín e decoraron os corredores do centro, enchendo cada recuncho de cor e imaxinación.
Un dos momentos máis esperados do día foron os bailes de samaín, onde o alumnado demostrou o seu talento e entusiasmo movéndose ao ritmo da música. Entre luces, risas e moita enerxía, todos e todas desfrutaron dun intre moi especial para compartir e divertirse xuntos.
Foi un día cheo de sorrisos, sustos e moita creatividade, no que todos e todas participamos para manter viva esta tradición galega tan querida.
¡Feliz Samaín á toda a comunidade educativa!
Esta semana fixemos unha saída moi especial coas nenas e nenos para coñecer un pouco máis a nosa contorna: visitamos o castelo de Bóveda de Vilar de Barrio. A experiencia foi unha auténtica aventura chea de aprendizaxes e descubrimentos.
Durante o percorrido, os pequenos exploradores buscaron pegadas de animais , marcas nas pedras e mesmo restos antigos que nos axudaron a imaxinar como sería a visa hai moitos anos. Entre todos fomos reconstruíndo historias posibles sobre quen viviría alí, como se defendían ou que costumen poderían ter.
A saída serviunos non só para aprender sobre historia e natureza, senón tamén para valorar o patrimonio que temos tan preto de nós.
Foi unha xornada chea curiosidade, emoción e ganas de seguir descubrindo.
¡Xa estamos desexando volver saír a explorar novos recunchos da nosa contorna!
No noso patio seguimos aproveitando cada momento para xogar ao aire libre e aprender mentres nos divertimos. Esta vez, os nenos e nenas estiveron saltando á corda, recuperando unha tradición de xogos populares que pasou de xeración en xeración.
Saltando, contando, coordinando movementos e animándose uns a outros, os pequenos desenvolven habilidades físicas, equilibrio, coordinación e concentración, ao mesmo tempo que se relacionan e comparten risas con compañeiros e compañeiras.
É unha fermosa maneira de combinar diversión, aprendizaxe e tradición, mantendo vivos os xogos que forman parte da nosa cultura e que fan do patio un espazo alegre e creativo para todos. 🌿🎀
Na aula de Infantil continuamos coas nosas pequenas aventuras culinarias, aprendendo e divertíndonos ao mesmo tempo. Hoxe tocou preparar un rico hummus de garavanzos, que degustamos untado en tostas de pan.
Durante a actividade, os nenos e nenas aprenderon a usar utensilios de cociña, como a batidora, e practicamos habilidades motoras finas ao untar as tostas. Ao mesmo tempo traballamos vida práctica, fomentando a autonomía dende idades temperás e aprendendo a coidar dos alimentos e do noso espazo de traballo.
Aproveitando o bo tempo, os nenos e nenas do cole están desfrutando ao máximo do arenero do noso patio. Con cubos, palas e moldes, deixan voar a imaxinación, construíndo castelos, camiños e mundos inventados cheos de cor e movemento.
Estas actividades permiten non só divertirse, senón tamén desenvolver a motricidade fina, a coordinación e a creatividade, mentres disfrutan do aire libre e aprenden xogando en contacto coa natureza e cos compañeiros.
O patio convértese así nun espazo dinámico e vivo, onde cada día xorden novas aventuras e momentos compartidos que fan do cole un lugar máis alegre e próximo. 🌱🏰
Esta semana, o alumnado do noso colexio tivo a oportunidade
de realizar unha saída moi especial: visitamos o albergue da nosa localidade,
un lugar moi ligado ao Camiño de Santiago e aos milleiros de peregrinos
que cada ano pasan polo noso pobo.
Durante a visita, puidemos coñecer de preto as
instalacións e descubrir como é o día a día das persoas que fan o Camiño.
Aprendemos curiosidades sobre a súa viaxe, os diferentes países de onde veñen e
o que os leva a emprender esta experiencia tan enriquecedora.
Os nenos e nenas estiveron moi atentos e
participativos, facendo preguntas cheas de interese e curiosidade:
querían saber como se preparan os peregrinos, que levan nas súas mochilas,
cantos quilómetros camiñan cada día ou como se senten ao chegar á meta en
Santiago.
Un dos momentos máis especiais da visita foi
cando tivemos a oportunidade de entrevistar a unha peregrina que se
atopaba hospedada no albergue. Os rapaces aproveitaron para facerlle moitas
preguntas: querían saber que significaba para ela esta experiencia, como
se sentía ao levar a cabo o Camiño e que aprendizaxes estaba descubrindo
ao longo da ruta. A súa resposta emocionou a todos, xa que nos contou que, máis
alá do esforzo físico, o Camiño é unha viaxe interior chea de reflexión,
solidariedade e encontro con xente marabillosa.
Foi unha xornada educativa e enriquecedora,
que nos axudou a valorar a importancia do noso pobo dentro do Camiño e a
comprender mellor o significado desta tradición tan arraigada en Galicia.
Dende o colexio queremos agradecer ao persoal
do albergue pola súa acollida e polas explicacións tan interesantes, así
como á peregrina que compartiu connosco a súa experiencia. Sen dúbida, esta
saída deixou unha pegada especial en todos nós.
Na nosa Biblioteca Creativa seguimos coa nosa aventura dos xogos de mesa, que tanto nos encantan! Hoxe queremos presentar O Frutal, un xogo cooperativo no que todos os nenos e nenas traballan xuntos para recoller a froita antes de que chegue o corvo.
Este xogo é perfecto para fomentar a colaboración, a comunicación e a toma de decisións en equipo, ademais de aprender a esperar o noso turno e a respectar as normas do xogo.
Os xogos de mesa son unha maneira fantástica de combinar diversión, aprendizaxe e convivencia, e na nosa biblioteca permiten que todos e todas compartan momentos cheos de risa e emoción.
Seguiremos compartindo máis xogos cooperativos e actividades, para que a imaxinación, a creatividade e a diversión nunca falten na Biblioteca Creativa! 🍎🎉
Na nosa Biblioteca Creativa non só lemos libros, senón que tamén xogamos e aprendemos xogando. Hoxe queremos compartir unha actividade que está a encantar ao alumnado: xogos de mesa cooperativos.
Entre os favoritos está o xogo Woolfy, dos tres porquiños, un xogo cooperativo no que os nenos e nenas deben traballar xuntos para conseguir un obxectivo común, desenvolvendo habilidades como a estratexia, a colaboración, a comunicación e a toma de decisións en equipo.
Os xogos de mesa na biblioteca son unha ferramenta fantástica para fomentar a lectura, a imaxinación e a convivencia, porque permiten aprender normas, respectar turnos e compartir emocións e ideas mentres se divirten.
Seguiremos compartindo máis xogos e experiencias na nosa Biblioteca Creativa, para que nenos, nenas e familias vexan que aprender e divertirse pode ir da man! 🎉📚
