Dentro da sección “Biblioteca creativa”, levamos a cabo unha actividade moi especial centrada na nova organización da nosa biblioteca segundo a CDU.
Ao longo desta proposta, o alumnado participou activamente no proceso de cambio e mellora do espazo, achegándose ao funcionamento da clasificación dos libros e descubrindo como están organizados para facilitar a busca e o acceso á información.
Un dos momentos máis enriquecedores foi o tour guiado pola biblioteca, no que o alumnado máis maior exerceu de guía para os máis pequenos e pequenas. Explicaron con moita ilusión como está organizada a biblioteca, axudándolles a comprender dun xeito sinxelo e práctico o uso da CDU.
Esta experiencia converteu ao alumnado en protagonistas do seu propio aprendizaxe, fomentando a autonomía, a responsabilidade e o traballo cooperativo, ao tempo que se reforzaron habilidades relacionadas coa competencia informacional e a lectura.
Foi unha actividade moi significativa que nos axudou a entender que a biblioteca é un espazo vivo, en constante evolución, no que todos e todas podemos aprender e ensinar.
No hay comentarios:
Publicar un comentario