Dentro da sección de “MeteoEscolas”, levamos a cabo unha proposta moi creativa e visual: o concurso fotográfico “Cores nas nubes”.
O alumnado participou activamente saíndo ao seu entorno para observar o ceo e capturar, a través da fotografía, as diferentes cores e formas que aparecen nas nubes en distintos momentos do día. Foi unha actividade que fomentou a observación, a curiosidade e o contacto coa natureza, descubrindo que o ceo tamén é un espazo cheo de arte e matices.
Posteriormente, todas as fotografías foron postas en común e expostas nunha zona do centro, creando un auténtico museo fotográfico das nubes, que puido ser visitado por toda a comunidade educativa.
Este espazo converteuse nun lugar de admiración e aprendizaxe, no que cada imaxe contaba unha historia diferente do ceo visto polos ollos do noso alumnado.
Unha actividade moi inspiradora que nos ensinou a mirar cara arriba… e descubrir que incluso as nubes teñen cores 🌈☁️
No hay comentarios:
Publicar un comentario