Dentro da sección de Convivencia, levamos a cabo unha dinámica de cohesión moi especial chamada “Nesta clase todos encaixamos”, coa que traballamos o coñecemento mutuo e o sentimento de grupo.
Cada neno e nena decorou unha peza dun puzzle con información persoal: o seu animal favorito, a comida preferida, a súa cor favorita, a data de aniversario e a letra inicial do seu nome. Deste xeito, cada peza converteuse nun reflexo da súa identidade e da súa forma de ser.
Unha vez completadas todas as pezas, comezamos unha segunda parte da actividade na que se repartiron ao azar pezas doutros compañeiros e compañeiras. A partir de cada unha delas, fomos expoñendo e descubrindo información sobre o resto do grupo, establecendo conexións e semellanzas entre todos e todas.
Esta experiencia permitiunos comprobar que, aínda sendo diferentes, temos moitas cousas en común e que cada persoa achega algo valioso ao grupo. Comprendemos que todos e todas estamos conectados e que formamos un equipo no que cada peza é importante.
Unha actividade moi significativa que reforzou a cohesión do grupo e o sentimento de pertenza á aula.
No hay comentarios:
Publicar un comentario