🐞🎭🎶Xoaniña creativa🎶🎭🐞

Hoxe o noso cole encheuse de música, teatro e, sobre todo, de moitas ganas de pasalo ben coa visita de Xoaniña Creativa.

Durante o obradoiro, o alumnado converteuse no verdadeiro protagonista: cantou, riu, bailou e participou con moito entusiasmo en todas as propostas. Foi unha actividade moi divertida na que non faltaron as sorpresas nin os momentos para compartir e aprender a través da música e do xogo teatral.

E, para poñer o broche de ouro á xornada, os nenos e nenas puideron experimentar con diferentes instrumentos musicais, manipulándoos, descubrindo os seus sons e gozando como auténticos músicos e músicas.

Foi unha mañá chea de alegría, creatividade e ilusión que, sen dúbida, deixará un fermoso recordo en todos e todas. Grazas, Xoaniña Creativa, por facernos vivir unha experiencia tan especial!