📚✨ A maxia vive nos libros

 

Dentro da sección “O noso patio”, inauguramos unha nova zona moi especial durante a Semana do Libro: un espazo pensado para o gozo, a calma e a convivencia.

“A maxia vive nos libros” é un recuncho creado para fomentar momentos de tranquilidade no tempo de lecer, onde o alumnado pode desfrutar tanto da lectura como de xogos de mesa, compartindo experiencias dun xeito máis relaxado e pausado.

Trátase dun espazo acolledor no que os nenos e nenas poden sentarse, ler, imaxinar e deixar voar a súa creatividade entre páxinas e xogos, favorecendo a concentración, o respecto polos tempos de calma e o gusto pola lectura.

Esta nova zona converteuse rapidamente nun lugar moi especial do noso patio, no que a maxia dos libros e o pracer de xogar sen présa se atopan cada día.

Porque ás veces, a mellor aventura tamén se vive en silencio… entre libros e risas compartidas.