Dentro das actividades do programa Nutriescolas do Plan Proxecta, convertémonos en auténticos Detectives do azucre para aprender máis sobre a cantidade de azucre que conteñen algúns dos alimentos e bebidas que consumimos habitualmente.
A través de diferentes apoios visuais, observamos imaxes de produtos presentes con frecuencia nas nosas merendas e almorzos. Antes de descubrir a cantidade real de azucre que contiñan, organizámonos en equipos e formulamos hipóteses, intentando adiviñar cantos terróns de azucre podía ter cada alimento.
A continuación, contrastamos as nosas estimacións coa información real, o que nos permitiu sorprendernos nalgúns casos e reflexionar sobre os hábitos de consumo. Esta dinámica axudounos a desenvolver o pensamento crítico e a comprender mellor a información nutricional dos produtos que atopamos no supermercado.
Grazas a esta actividade, o alumnado tomou conciencia da importancia de moderar o consumo de azucres engadidos e de apostar por alternativas máis saudables para o día a día. Aprendemos que coñecer o que comemos é o primeiro paso para adquirir hábitos alimentarios responsables e beneficiosos para a nosa saúde.
No hay comentarios:
Publicar un comentario