Dentro da nosa sección de “Celebracións”, vivimos un dos días máis especiais e emotivos do curso: a graduación do alumnado de 6º de Primaria.
Para esta ocasión tan sinalada, preparamos unha zona da biblioteca decorada con moito coidado, converténdoa nun espazo acolledor e festivo no que compartir este momento de despedida e celebración.
Durante o acto, o alumnado recibiu o seu diploma e un pequeno agasallo como recordo da súa etapa no centro. Ademais, as propias alumnas e alumnos de 6º prepararon discursos cheos de agradecemento, lembranzas e emoción, que fixeron vibrar a toda a comunidade educativa.
A xornada estivo acompañada tamén dun vídeo de recordos, no que puidemos repasar momentos vividos ao longo dos anos no colexio, provocando sorrisos, bágoas e moita nostalxia.
Non faltaron tampouco as palabras de cariño de profesorado e compañeiros e compañeiras, que quixeron despedirse dun grupo que deixa unha pegada moi especial no centro.
Foi unha celebración moi emotiva, chea de lembranzas, afecto e orgullo polo camiño percorrido. Desexámoslles moita sorte na nova etapa que comezan, levando sempre con eles e elas unha parte do seu colexio.
No hay comentarios:
Publicar un comentario