Saída ao Wake Park de Fornelos🌊🚤🌞

 

Dentro da sección de Saídas, realizamos unha excursión moi especial ao Wake Park de Fornelos, unha experiencia que se converteu nunha auténtica aventura chea de diversión e emoción.

Ao longo da xornada, o alumnado participou en diferentes actividades acuáticas. Disfrutaron de paseos en pedaleta, nos que puideron gozar do entorno dun xeito tranquilo e divertido. Tamén se lanzaron a explorar as colchonetas inchables na auga, superando pequenos retos de equilibrio, coordinación e valentía mentres compartían risas cos compañeiros e compañeiras.

Un dos momentos máis esperados foi a tirolina de auga, unha actividade chea de adrenalina que espertou moita ilusión e entusiasmo entre o alumnado.

Esta saída foi unha oportunidade perfecta para fomentar a convivencia, o traballo en equipo e o desfrute do medio natural a través de actividades diferentes e moi motivadoras.

Sen dúbida, foi unha xornada inesquecible que combinou deporte, diversión e convivencia nun entorno privilexiado.